“Fitch Ratings” beynəlxalq reytinq agentliyi bu il üçün dünyada mis və qızılın qiyməti ilə bağlı proqnozunu artırıb.

İqtisadiyyat.az xəbər verir ki, bu barədə qurumun hesabatında deyilir.

Agentlik nikel və alüminiumun qiyməti ilə bağlı proqnozunu isə endirib.

Bu il qızılın qiymətinin 1 troya unsiya üçün 1,9 min dollar (əvvəlki proqnoz 1,8 min dollar), 2025-ci ildə 1,8 min dollar (əvvəlki proqnoz 1,6 min dollar), 2026-cı ildə isə 1,6 min dollar (əvvəlki proqnoz 1,5 min dollar) olacağı proqnozlaşdırılır.

2024-cü ildə misin 1 tonun qiymətinin 8,4 min dollar (əvvəlki proqnoz 8,3 min dollar) olacağı gözlənilir. 2025-2026-cı illər üzrə qiymət proqnozu isə müvafiq olaraq bir ton üçün 8 min dollar və 7,5 min dollar səviyyəsində qalıb.

 

Gözəl Həşimova