Finlandiya 2019-cu ildən Türkiyəyə tətbiq etdiyi silah embarqosunu ləğv edib.
İqtisadiyyat.az xəbər verir ki, Finlandiya Müdafiə Nazirliyi 2019-cu ildən qüvvədə olan “Türkiyəyə hərbi texnika ixracına qoyulan embarqonu” ləğv etdiyini və ona satış üçün lisenziya verildiyini açıqlayıb.
Xatırladaq ki, Finlandiya Türkiyənin Suriyadakı hərbi əməliyyatına görə 2019-cu ilin oktyabrında ixrac lisenziyasını dayandırıb.
Silah satışı icazəsi Türkiyənin Finlandiya və İsveçin NATO üzvlüyünü təsdiqləmək üçün irəli sürdüyü şərtlərdən biri idi.