Finlandiyanın "Synbio Powerlabs" şirkəti süni əti sənaye miqyasında istehsal edərək qlobal tədarükçü olmaq niyyətindədir.

İqtisadiyyat.az xəbər verir ki, bu barədə şirkətin menecerlərindən biri "Yle" portalına bildirib.

Məlumata görə, bu ilin sonuna qədər şirkət istehsala başlamağı planlaşdırır. Eyni zamanda, şirkət 2025-ci ilin sonunadək 10 ton istehsal hədəfinə çatmağı nəzərdə tutur.

Bildirilib ki, 2025-ci ilin sonunda ilk tədarükün Yaxın Şərqə olması gözlənilir. Beləliklə, Finlandiya süni ətin qlobal tədarükçüsü olmaq niyyətindədir.

Qeyd edək ki, sertifikatlaşdırma və lazımi icazələrin olmaması səbəbindən Avropa İttifaqı ölkələrində satış hələlik mümkün deyil.\

 

Gözəl Həşimova