“Acından ölən” ermənilər üçün Azərbaycan Qızıl Aypara Cəmiyyətinin yük avtomobilləri Ağdam-Xankəndi yolunun girişində 40 ton humanitar yüklə gözləyir. Bu yük qəbul olunsa, ardınca digər humanitar yüklər də göndəriləcək"

İqtisadiyyat.az xəbər verir ki, bu sözləri YAP Binəqədi rayon təşkilatının Binəqədi rayonu, Baksol yolu 89 ünvanında yerləşən “Unity Company” ərazi partiya təşkilatının sədri Fikrət Əliyev öz feysbuk hesabında yazıb. Onun sözlərinə görə, əgər Qarabağ bölgəsində yaşayan ermənilər həqiqətən humanitar böhranla üz-üzədirlərsə, onlar üçün qidanın hansı yoldan gəlməsinin heç bir önəmi olmamalıdır: "Ermənilər özlərinin yaratdıqları şounu özləri də ifşa etdilər. Onlar aqressiv şəkildə kampaniyaya başladılar. Bildirdilər ki, “Türk çörəyi yemək istəmirik”. Üstəlik yenə dedilər, acıq, amma yük yalnız Ermənistandan, Laçın yolu ilə gəlməlidir. Belə aclıq olur? Bir dəfə də vurğulamışdım, əgər həqiqətən humanitar böhran varsa, sənin üçün nə fərqi var, humanitar yük hansı yoldan gəlir?"

F.Əliyev Fransanın təxribatçı addımına da toxunaraq Azərbaycan dövlətinin tezliklə bu təxribatı cavabsız qoymayacağına inandığını dilə gətirib: "Ermənistan hökumətinin gülməli kampaniyası davam edir. Bu gün faktiki olaraq İrəvandan Fransa hökuməti tərəfindən hazırlanmış yük karvanı Laçın istiqamətində yola düşüb. Fransa hökuməti regionda sülh danışıqlarının pozulması üçün əlindən gələni edir. Yükün üzərindəki "AIDE HUMANITAIRE DE LA FRANCE AU POUPLE D'ARTSAK" yazıları "Arsax xalqına Fransadan humanitar yardım" mənasını ifadə edir. Bu da Fransanın əsl üzü. Beynəlxalq hüquqa, Azərbaycanın ərazi bütövlüyünə və suverenliyinə qarşı açıq hörmətsizlik qəbuledilməzdir.

Əminik ki, Azərbaycan hökuməti Fransanın bu addımını layiqli şəkildə cavablandıracaq.

Görünən odur ki, Qarabağdakı erməni şousunun bitməyinə çox az qalıb. 2020-ci ildə necə ki, Fransa kimi ikiüzlü ölkələr Ermənistanı xilas edə bilmədi, yenə edə bilməyəcəklər. Müzəffər Ali Baş Komandan İlham Əliyev bunu deyib və sübut edib ki, heç bir ölkə bizim iradəmizə təsir edə bilməz. Bizim İkinci Qarabağ müharibəsi zamanı dəmir yumruğumuz Ermənistanla yanaşı, onun havadarlarının da başına dəymişdi. Əgər onlar belə bir yumruq istəmirlərsə, o zaman Ermənistanı sülh prosesinə təşviq etməli, Azərbaycanın ərazi bütövlüyünə sözdə deyil, əməldə də hörmət etməlidirlər".