İqtisadiyyat.az “TRT Haber”ə istinadən xəbər verir ki, tərəflər Suriya, Qəzza və Ukraynadakı son durumla yanaşı, ikitərəfli əlaqələr ətrafında da fikir mübadiləsi aparıblar.

Nazir Fidan söhbət zamanı Suriyanın sabitliyi və rifahının təmin olunması üçün bu ölkəyə tətbiq edilən sanksiyaların ləğvinin vacibliyinə diqqət çəkib.

Görüşdə həmçinin HƏMAS tərəfindən azad edilən ABŞ vətəndaşı Edan Aleksandrın məsələsi də gündəmdə olub.

Tərəflər Rusiyayla Ukrayna arasında planlaşdırılan sülh danışıqları barədə də mövqelərini bölüşüblər.

Bundan əlavə, mayın 14-15-də Antalyada baş tutacaq NATO-nun qeyri-rəsmi xarici işlər nazirlərinin görüşü çərçivəsində Marko Rubionun Türkiyəyə planlaşdırılan səfərinin detalları müzakirə olunub.