İqtisadiyyat.az xəbər verir ki, bu barədə şirkətin press-relizində deyilir.

Məlumata görə, şirkət 2024-cü ildə gəlirini 12%, xalis mənfəətini 21% artırıb.

"Ferrari" ötən il 1,53 milyard avro xalis mənfəət əldə edib. Bu göstərici, 2023-cü ildə 1,26 milyard avro təşkil edib.

Eyni zamanda, ötən il şirkətin gəliri 5,97 milyard avrodan 6,68 milyard avroya yüksəlib. Avtomobil istehsalçısının ötən ilin dördüncü rübündə xalis mənfəəti 31% artaraq 386 milyon avroya, gəliri isə 14% artaraq 1,74 milyard avroya çatıb.

Dördüncü rübdə "Ferrari"nin satışları illik müqayisədə 2% artaraq 3325 avtomobilə çatıb.

"Ferrari" 2025-ci ildə gəlirinin 7 milyard avronu keçəcəyini gözləyir.

 

Gözəl Həşimova