İspaniya nəhəngi "Barselona" və "Real Madrid"in yaxından maraqlandığı Arda Gülərin son qərarını verdiyi bildirilib.

İqtisadiyyat.az xəbər verir ki, Türkiyə futbolunun və "Fənərbağça"nın 18 yaşlı gənc ulduzu "Real Madrid"ə üstünlük verib.

"Real Madrid" bu transfer üçün "Fənərbağça"ya sərbəst qalma şərti olan 17,5 milyon avrodan çox qonorar ödəyəcək. Bu rəqəmin 20 milyon avro olduğu ortaya çıxıb.

"Real Madrid" növbəti satışdan Türkiyə təmsilçisinə 20 faiz də pay verəcək.

Digər tərəfdən, "Real Madrid"in ulduz yarımmüdafiəçiləri Luka Modriç və Toni Krossun Arda Gülər ilə görüşdüyü bildirilir. Bu görüşdən sonra Arda Gülərin "Real Madrid"i seçdiyi vurğulanıb.

Gənc ulduz üçün "Barselona"nın idman direktoru Deko Türkiyəyə gələrək danışıqlar aparıb. Kataloniya nəhənginin cəhdlərinə baxmayaraq, Arda Gülər “Real Madrid”ə üstünlük verib.

Arda Gülər ilə bağlı rəsmi açıqlamanın qısa müddət ərzində verilməsi gözlənilir. Rəsmi imzalanmadan sonra Arda Gülər "Real Madrid"in düşərgəsinə qatılacaq.