Türkiyə Super Liqasında ikinci pillədə qərarlaşan və çempionluğu əzəli rəqibi “Qalatasaray”a uduzan “Fənərbağça”nın “Adana Dəmirspor”da oynatdığı oyunla diqqət çəkən italyan baş məşqçi Vinçenzo Montellaya təklif göndərdiyi iddia edilib. 

İqtisadiyyat.az "Sportitalia" saytına istinadən xəbər verir ki, "Fənərbağça" rəhbərliyi təcrübəli çalışdırıcı ilə görüşüb və bu görüşdə rəsmi təklif çatdırılıb.

 Xəbərdə Montellanın "Adana Dəmirspor"la müqaviləsinin başa çatacağı üçün tərəflərin razılaşdığı təqdirdə müqavilənin qısa zamanda imzalana biləcəyi və iki tərəf arasında danışıqların uzun sürməyəcəyi bildirilib.

İyunun 30-da müqaviləsi başa çatacaq Montella daha əvvəl "Fiorentina", "Milan", "Sevilya" və "Roma" kimi önəmli klubları çalışdırıb.