BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) Qərb ölkələrinin maliyyələşdirməsinin dayandırılması səbəbindən fevralın sonuna kimi 65 milyon dollara qədər itirə bilər.

Bu barədə İqtisadiyyat.az "The New York Times"a istinadən xəbər verir.

Məlumata görə, ən azı 18 ölkə HƏMAS hərəkatının İsrailə hücumunda bəzi agentlik işçilərinin əli olduğuna dair iddialara görə UNRWA-ya maliyyəni dayandırdıqlarını açıqlayıb.

Xüsusilə, Finlandiya UNRWA-ya 5,4 milyon dollar, Almaniya, İsveç və Yaponiya isə 60 milyon dollara yaxın ödənişi köçürməkdən imtina edib. Bununla da UNRWA-nın Qəzza zolağında işləyən 30 min əməkdaşının maaşını ödəmək üçün vəsaiti olmayacaq.

 

Gözəl Həşimova