"Fələstin-İsrail münaqişəsi daha da gərginləşərsə, qlobal iqtisadi itkilər 2 trilyon dollara çata bilər".

İqtisadiyyat.az xəbər verir ki, bunu Dünya Bankının baş iqtisadçısının müavini Ayhan Köse bildirib.

Onun sözlərinə görə, ən pis ssenaridə Yaxın Şərqdə mülayim tənəzzül başlaya bilər və neftin qiyməti çox güman ki, bir barel üçün 150 dollara qədər yüksələ bilər: "Belə bir ssenarinin qlobal iqtisadi nəticələri isə çox ciddidir.

İlk dəfədir ki, bir anda iki enerji şoku ilə üzləşirik. Bundan əlavə, qlobal iqtisadiyyatın vəziyyəti hələ də pandemiyadan təsirlənir və bütün ölkələr bundan xilas ola bilməyib. Biz iqtisadiyyatımızın ən qeyri-sabit dövrlərindən birindəyik".

 

Gözəl Həşimova