İqtisadiyyat.az xəbər verir ki, bu barədə Almaniyanın təkrarsığorta şirkəti "Munich Re" illik təbii fəlakət hesabatını açıqlayıb.
Müvafiq olaraq, keçən il təbii fəlakətlər dünya miqyasında 320 milyard dollarlıq qlobal iqtisadi itkilərə səbəb olub, bunun 140 milyard dolları sığortalanıb.
Bu rəqəmlər əvvəlki illərin orta dəyərlərindən xeyli yüksəkdir. Hesabata görə, 2024-cü il sığortalanmış zərərlərə görə üçüncü ən bahalı il olub.
Ötən il təbii fəlakətlərdən itkilərin 93 faizi hava şəraiti ilə bağlı olub. Ötən il təbii fəlakətlər nəticəsində təqribən 11 min insan həyatını itirsə də, bu rəqəm ortalamanın xeyli altında olub.
ABŞ-ni müvafiq olaraq sentyabr və oktyabr aylarında ardıcıl vuran "Helene" və "Milton" qasırğaları ötən ilin ən dağıdıcı fəlakətləri olub. "Helene" 56 milyard dollar itki ilə 2024-cü ilin ən ölümcül təbii fəlakəti olub.
Gözəl Həşimova
