Yaxın Şərqdə gərginliyin artması ötən həftədən bəri 1000-ə yaxın gəmidən ibarət tıxacın yarandığı Fars körfəzində gəmiçilik üçün ciddi problemlər yaradıb.
İqtisadiyyat.az xəbər verir ki, bu barədə Amerikanın açıq ticarət korporasiyası "S&P Global" bildirib.
"Gəmi sahibləri bölgədəki təlatümlü vəziyyətə görə tranziti yalnız gündüz vaxtı məhdudlaşdırır, qlobal naviqasiya sistemləri və rabitə vasitələrinə müdaxilə isə gəmilərin toqquşması riskini artırır.
Fars körfəzində gəmilərlə əlaqənin kəsilməsi çox adi hala çevrilir. Bir çox gəmilərlə sadəcə əlaqə saxlamaq mümkün deyil", - məlumatda deyilir.
Gözəl Azadəliyeva
