"Dünyada təxminən 282 milyon insan kəskin aclıqla üzləşib".

İqtisadiyyat.az xəbər verir ki, bu barədə BMT-nin Ərzaq və Kənd Təsərrüfatı Təşkilatının (FAO) Cenevrə direktoru Dominik Burgeon həftəlik mətbuat konfransında bildirib.

"İqlim dəyişikliyi ekstremal hadisələrin tezliyinin və intensivliyinin artmasına səbəb olur. Afrika, Asiya və Avropada baş verən silsilə daşqın və tayfunlar bu problemin nə qədər qlobal olduğunun diqqətəlayiq bir xatırlatmasıdır. İqlim dəyişikliyinə çox həssas olan kənd təsərrüfatı, qida sistemlərinin torpaq və su qaynaqlarının deqradasiyası kimi uzunmüddətli təsirlərlə üzləşə bilər", - deyə o qeyd edib.

 

Gözəl Həşimova