Parisdə keçiriləcək Olimpiya Oyunları zamanı Eyfel qülləsinə olimpiya üzükləri yerləşdiriləcək.

Bu barədə İqtisadiyyat.az "Le Parisien"ə istinadən xəbər verir.

Məlumata görə, hər Olimpiya Oyunları zamanı beş nəhəng üzük ev sahibi olan şəhərdə simvolik bir yerə qoyulur. Parisdə onlar Eyfel qülləsinə quraşdırılacaq.

Qüllənin birinci və ikinci mərtəbələri arasında 5 iştirakçı qitəni simvolizə edən üzüklər yerləşdiriləcək: mavi, sarı, qara, yaşıl və qırmızı. Üzüklər qüllənin Sena çayına baxan tərəfində yerləşdiriləcək. Çünki Eyfel qülləsi Parisin ən məşhur və görməli yerlərindən biridir.

Qeyd edək ki, Olimpiya Oyunları iyulun 26-da Sena çayında açılış mərasimi ilə başlayacaq.

 

Gözəl Həşimova