Azərbaycanda işlənmiş yağların emalı ilə məşğul olan "Exol Azerbaijan" QSC 2023-ci ilin dekabrın 31-nə maliyyə vəziyyəti haqqında hesabatını açıqlayıb.

İqtisadiyyat.az xəbər verir ki, ötən il şirkətin satış gəlirləri 700 min manat civarında azalaraq 3,7 milyon manat təşkil edib. 2022-ci ildə bu rəqəm 4,4 milyon manat olub.

2022-ci ildə QSC-nin əsas əməliyyat gəlirləri 7 230 320 manat olduğu halda, ötən bu rəqəm 6 187 400 manata düşüb.

Şirkətin maliyyə xərcləri 2022-ci illə müqayisədə 6590 manat artaraq 11 212 manata çatıb.

Beləliklə, "Exol Azerbaijan" 2023-cü ili 2 077 350 manat xalis mənfəətlə bitirib ki, bu da 2022-ci ilin göstəricisindən 356 min manata yaxın azalma deməkdir. 2022-ci ildə şirkətin xalis mənfəəti 2 433 203 manat olmuşdu.

2023-ci ilin sonuna "Exol Azerbaijan"ın cəmi aktivləri 2 148 181 manat təşkil edib. Bu isə 2022-ci ilin göstəricisindən 300 min manata yaxın azalma deməkdir.

Xatırladaq ki, "Exol Azerbaijan" Balaxanı Sənaye Parkının rezidentidir. Şirkətin əsas biznesi işlənmiş yağların emalıdır.