Gürcüstan Daxili İşlər Nazirliyinin əməkdaşları Tbilisidə parlamentin yaxınlığında xarici agentlər haqqında qanun layihəsinə etiraz edən nümayişçilərə qarşı bibər qazından istifadə etməyə başlayıblar. 

İqtisadiyyat.az xəbər verir ki, bu barədə TASS məlumat verib. 

"Polis və çevik qüvvələr etirazçıları parlament binasının arxasından uzaqlaşdırmağa çalışır və bu, toqquşmaya çevrilir. Orada su şırnağından da istifadə olunur. Etirazçılar yavaş-yavaş çıxıb gedirlər", - deyə məlumatda qeyd edilib. 

***

21:36

Tbilisidə xarici agentlərlə bağlı qanun layihəsinə etiraz edən nümayişçilər parlament binasını mühasirəyə almaq qərarına gəliblər. 

İqtisadiyyat.az xəbər verir ki, bu barədə TASS məlumat verib. 

Etirazçıların sözlərinə görə, bununla onlar parlamentin plenar iclasında olan və "Xarici agentlər haqqında" qanun layihəsinə ikinci oxunuşda baxan deputatların işinə mane olmaq istəyirlər. Parlament üzvlərinə qarşı şüarlar eşidilir. Polis əlavə qüvvələr toplamağa başlayıb. 

Hələ ki, qarşıdurma yoxdur.