Suriyanın devrilmiş prezidenti Bəşər Əsəd müxaliflərin hücumundan əvvəl hakimiyyətini gücləndirə biləcək ABŞ tərəfdən gələn təklifi rədd edib.

İqtisadiyyat.az xəbər verir ki, bu barədə "The Washington Post" qəzeti yazıb.

Suriya müxalifətini dəstəkləyən keçmiş suriyalı diplomat Bassam Barabandi bildirib ki, Birləşmiş Ştatlar Əsədə BƏƏ vasitəsilə müqavilə təklif edib. Bu müqavilə ABŞ sanksiyalarının ləğvini nəzərdə tuturdu, əvəzində Əsəd İranın Suriyadan keçən quru yolları vasitəsilə Livandakı şiə "Hizbullah" hərəkatını silahlandırmasına və dəstəkləməsinə mane olmalı idi.

Nəşrin yazdığına görə, Əsədin daha böyük bir səhvi Türkiyə prezidenti Rəcəb Tayyib Ərdoğanla əlaqələr qurmaqdan imtina etməsi olub. Ərdoğan kürd birləşmələrinin Türkiyə sərhədlərinə yaxınlaşmasının qarşısını almaq və Türkiyədə sığınacaq tapan bəzi suriyalı qaçqınların geri qaytarılması müqabilində Dəməşqlə münasibətləri normallaşdırmağa çalışıb.