Ermənistan Mərkəzi Seçki Komissiyası ölkənin Avropa İttifaqına (Aİ) üzv olması məsələsi ilə bağlı referendum keçirmək üçün imza toplanması məqsədilə təşəbbüs qrupunun yaradılmasına razılıq verib.
İqtisadiyyat.az xəbər verir ki, bu barədə ölkənin seçki komissiyası məlumat yayıb.
“Ermənistan Mərkəzi Seçki Komissiyası 11 sentyabr tarixində keçirilən növbəti iclasında 51 vətəndaşın [parlamentə] “Ermənistan Respublikasının Avropa İttifaqına üzv olma prosesinə başlanması haqqında” qanun layihəsini vətəndaş təşəbbüsü qaydasında təqdim etmək üçün təşəbbüs qrupu yaratmaqla bağlı müraciətini təmin edib”, – deyə məlumatda bildirilir.
Qeyd olunur ki, təşəbbüs qrupunun nümayəndəsi Artak Zeynalyan təyin edilib. Komissiya bu il sentyabrın 16-dan noyabrın 14-dək imzaların toplanmasına icazə verib. Layihənin Ermənistan Milli Məclisində müzakirəyə çıxarılması üçün ölkə vətəndaşlarından 50 min imza tələb olunur.