İran İslam Respublikasının Müdafiə və Silahlı Qüvvələrin Maddi-Texniki Təminatı Nazirliyində qarşılanma mərasimindən sonra Ermənistanın müdafiə naziri Suren Papikyan ilə İranın müdafiə və silahlı qüvvələrin maddi-texniki təminatı naziri, briqada generalı Məhəmməd arasında görüş keçirilib.

İqtisadiyyat.az xəbər verir ki, bu barədə İran Müdafiə Nazirliyinin mətbuat xidmətinin rəhbəri Reza Gharayi Ashtiani məlumat verib.

Gündəliyə müdafiə sahəsində əməkdaşlığın hazırkı vəziyyəti və gələcək inkişaf perspektivləri ilə bağlı müzakirələr daxil edilib. Hər iki nazir beynəlxalq və regional məsələlər ətrafında fikir mübadiləsi aparıb, Cənubi Qafqaz regionunda uzunmüddətli sülh və sabitliyin bərqərar olmasına sadiq olduqlarını bir daha vurğulayıblar.

Daha sonra görüş zamanı qarşılıqlı maraq doğuran bir sıra razılaşmalar əldə olunub.