İyunun 17-də Fransaya işgüzar səfəri çərçivəsində Ermənistanın müdafiə naziri Suren Papikyan Fransa Silahlı Qüvvələrinin naziri Sebastien Lekorne ilə görüşüb. 

İqtisadiyyat.az xəbər verir ki, bu barədə Ermənistan Müdafiə Nazirliyinin rəsmi saytı məlumat yayıb.  

Açıqlamada bildirilir ki, görüş zamanı Ermənistan və Fransa arasında müdafiə sahəsində əməkdaşlığın hazırkı kursu müzakirə olunub. 

Ermənistan Respublikasının müdafiə naziri Ermənistanda müdafiə sahəsində aparılan islahatların gedişi və bu istiqamətdə Fransa ilə əməkdaşlıq çərçivəsində həyata keçirilən işləri qarşı tərəflə müzakirə edib. 

Həmçinin qeyd edilir ki, tərəflər yeni razılaşmaların əldə olunduğu hərbi-texniki əməkdaşlıq istiqamətində mövzuları ələ alıblar.