Ermənistan Milli Təhlükəsizlik Xidməti sərhəddə azərbaycanlı hərbçinin saxlanıldığı barədə məlumat yayıb.
Bu barədə İqtisadiyyat.az TASS-a istinadən xəbər verir.
"Azərbaycan əsgəri Sünikin Teğ kəndi ərazisinə keçib. Onu erməni hərbçilər saxlayıblar", - deyə məlumatda deyilir.
Məlumata görə, Ermənistan İstintaq Komitəsi bu hadisə ilə bağlı cinayət işi açıb.
Qeyd edək ki, fevralın 28-i səhər saatlarında Azərbaycan Ordusunun əsgəri Pənahov Ruslan Eldəniz oğlu Laçın rayonu ərazisindəki xidməti mövqelər arasında hərəkət edərkən əlverişsiz hava şəraitində istiqaməti itirərək azıb.
