Ermənistan hökuməti Fransa İnkişaf Agentliyindən 75 milyon avro məbləğində kreditin alınmasını təsdiqləyib.

İqtisadiyyat.az bu barədə TASS-a istinadən xəbər verir.

Məlumata görə, borcun qaytarılma müddəti 20 il olacaq.

“Proqram üç əsas hissədən ibarətdir: dövlət maliyyə idarəçiliyi sisteminin təkmilləşdirilməsi, dövlət qiymətli kağızları və pul bazarlarının infrastrukturunun gücləndirilməsi, biznes fəaliyyətinin maliyyələşdirilməsi üçün yeni alətlərin hazırlanması və daha şəffaf idarəetmənin təmin edilməsi”, - deyə məlumatda qeyd olunub.

Bildirilib ki, proqram Asiya İnkişaf Bankı ilə birgə həyata keçirilir, pul 2024-cü ildə dövlət büdcəsinin kəsirinin maliyyələşdirilməsinə yönəldiləcək.

 

Gözəl Həşimova