Hakimiyyət tərəfindən aparılan iqtisadi siyasət iqtisadi sahədə heç bir ciddi nəticə vermir, Ermənistan iqtisadiyyatı Qərb üçün maraqsız olmaqda davam edir. 

İqtisadiyyat.az xəbər verir ki, bu barədə "Aprelu Yerkir" partiyasının həmtəsisçisi Mesrop Arakelyan "Facebook" səhifəsində yazıb.

"Görünən odur ki, hakimiyyətin qərbyönlü siyasəti ilə belə Ermənistan iqtisadiyyatı Qərb üçün maraqsız olaraq qalır.

Ermənistana hər il yatırılan birbaşa xarici investisiyaların ümumi həcmi bir ciddi qərb şirkətinin investisiyasının həcminə belə çatmır.

Əslində hakimiyyətin apardığı iqtisadi siyasət iqtisadi sahədə heç bir ciddi nəticə vermir.

Maraqlıdır ki, investisiya cəlbediciliyi baxımından Qərb standartlarından uzaq olan Azərbaycana Qərb dövlətləri aktiv şəkildə sərmayə yatırmaqda davam edir.

Uzun müddətdir ki, xarici sərmayələr beynəlxalq münasibətlərin tərkib hissəsinə çevrilib və Ermənistanın qeydə aldığı göstəricilər onu göstərir ki, hakimiyyət heç bir sahədə beynəlxalq tərəfdaşlarla keyfiyyətli əlaqələr qura bilmir", - deyə Arakelyan bildirib.