Ərəb Liqası İsrailin işğal olunmuş Fələstin ərazisində minlərlə yaşayış məntəqəsi tikmək planlarına qarşı xəbərdarlıq edib.

İqtisadiyyat.az dünya mediasına istinadən bildirir ki, Baş katib Əhməd Əbu Qayt Ərəb Liqasından verilən yazılı açıqlamada İordan çayının qərb sahilində minlərlə yaşayış məntəqəsi tikmək planının həyata keçirilməsinin əleyhinə dair xəbərdarlıq edib.

Açıqlamada Fələstin torpaqlarının hər gün problem yaşadığı bir vaxtda fələstinlilərlə israillilər arasında razılaşma və ya regional sülhdən danışmaq mümkün olmadığı bildirilib. Ərəb Liqasının sözçüsü Camal Rüşdi İsrailin sağçı hökumətinin məskunlaşma planları ilə bağlı addımlar atmaq üçün ABŞ-dan razılıq almağa çalışdığını qeyd edib.