Türkiyə və Suriya prezidentləri Rəcəb Tayyib Ərdoğan və Bəşər Əsəd arasında 13 ildən sonra ilk görüş Rusiyada baş tuta bilər.

İqtisadiyyat.az bu barədə “Türkiye” qəzetinə istinadən xəbər verir.

Məlumata görə, görüş yeri kimi Rusiya, Fars körfəzi ölkələri və İraq nəzərdə tutulur. 

Nəşrin məlumatına əsasən, danışıqların hansı ölkədə aparılacağı Rusiya prezidenti Vladimir Putinin Türkiyəyə səfərindən sonra bəlli olacaq. Rusiya liderinin isə Türkiyəyə səfərinin vaxtı açıqlanmayıb.

Bildirilib ki, Ərdoğanla Əsədin görüşünə hazırlıq çərçivəsində hərbi, siyasi, iqtisadi məsələlər, terrorla mübarizə və qaçqın problemi ilə bağlı ikitərəfli komissiyalar yaradılacaq.

 

Gözəl Həşimova