İqtisadiyyat.az xəbər verir ki, Ərdoğan Nazirlər Kabinetinin iclasından sonra çıxışı zamanı bildirib ki, ABŞ Prezidenti Donald Trampın münaqişənin dayandırılması üçün atdığı addımları dəstəkləyir.

“Hazırda bütün tərəflərin etibar etdiyi nadir ölkələrdən biri kimi biz danışıqlar prosesinə öz töhfəmizi verməyə tam hazırıq. Əgər bu müzakirələrə ev sahibliyi etmək imkanımız olsa, bundan yalnız məmnun olarıq. Son təmaslar göstərir ki, üfüqdə yeni bir fürsət yaranıb. Ümid edirəm ki, bu dəfə bu fürsət boşa çıxmayacaq”, – deyə Türkiyə Prezidenti qeyd edib.

Ərdoğan həmçinin xatırladıb ki, 2022-ci ilin martında tərəflər sülhə çox yaxın idilər, lakin müəyyən xarici müdaxilələr səbəbindən bu razılaşma baş tutmayıb.