Türkiyə prezidenti Rəcəb Tayyib Ərdoğan ölkənin Qəhrəmanmaraş bölgəsində meydana gələn zəlzələ ilə bağlı ilk açıqlamasını verib.

İqtisadiyyat.az bildirir ki, o, bu barədə "Tvitter"də yazıb:

"Qəhrəmanmaraşda baş verən və ölkəmizin bir çox bölgəsində hiss olunan zəlzələdən zərər çəkən bütün vətəndaşlarımıza keçmiş olsun deyirəm. AFAD-ın koordinasiyası ilə bütün müvafiq bölmələrimiz həyəcan vəziyyətindədir.

Axtarış-xilasetmə qruplarımız dərhal zəlzələdən zərər çəkmiş ərazilərə göndərilib. Daxili İşlər Nazirliyi və Səhiyyə Nazirliyi, AFAD, Valiliklər və digər bütün qurumlar sürətlə işə başlayıblar.

Zəlzələdən sonra başlayan işləri də koordinasiya edirik. Ümid edirik ki, birlikdə bu fəlakətdən ən qısa zamanda və ən az zərərlə çıxacağıq, fəaliyyətlərimizi davam etdiririk".