Türkiyə həm öz ərazisində, həm də ətraf bölgədə terrora tamamilə son qoymaq niyyətindədir.
İqtisadiyyat.az xəbər verir ki, bunu respublikanın lideri Rəcəb Tayyib Ərdoğan Ankarada hüquq-mühafizə orqanlarının nümayəndələri ilə iftar süfrəsində deyib.
"Türkiyənin və bölgənin gələcəyində terrora yer olmadığını hər kəsə göstərməkdə qərarlıyıq. Son seçkilərdən sonra əzmimiz daha da güclənib. Bütün terror təşkilatları millətimizin düşmənidir", - Ərdoğan bildirib.
Türkiyə prezidenti daha əvvəl bəyan etmişdi ki, yayda respublika İraqla bütün sərhəd xəttini nəzarətə götürəcək və Suriyada terrorla mübarizə sahəsində işləri başa çatdıracaq.