"Ermənistan hakimiyyəti Türkiyə ilə münasibətlərin normallaşdırılması məqsədilə yol xəritəsi hazırlamaq üçün mövcud reallıqlara diqqət yetirməlidir".
İqtisadiyyat.az xəbər verir ki, bu barədə Türkiyənin dövlət başçısı Rəcəb Tayyib Ərdoğan İraq səfərindən geri dönərkən jurnalsitlərə açıqlamasında deyib.
Onun sözlərinə görə, fürsət pəncərəsi həmişə açıq olmayacaq və bu məqamdan səmərəli istifadə etmək lazımdır:
"İndi regionda yeni nizam qurulur. Əsassız xatirələri atmaq vaxtıdır, indiki zamanın reallıqlarına əsaslanaraq hərəkət etmək daha yaxşıdır. İndi Ermənistanın baş naziri Nikol Paşinyan da bunu başa düşür. Ümid edirəm ki, Ermənistan diasporun onu sürüklədiyi zülmətdən xilas olacaq və parlaq gələcək üçün yeni başlanğıclar yolunu seçəcək”.
Gözəl Həşimova
