İqtisadiyyat.az xəbər verir ki, Ərdoğan bu barədə Macarıstandan qayıdarkən jurnalistlərlə söhbətində deyib.

Türkiyə lideri mayın 5-də Amerika prezidenti ilə telefon danışığından sonra bildirib ki, Tramp onu ABŞ-yə səfərə dəvət edib: 

"Təkcə cənab Trampla deyil, bir çox liderlərlə yaxşı münasibətlərimiz var. Ola bilsin ki, Amerikaya səfər edə biləcəm. Düşünürəm ki, orada cənab Trampla üzbəüz görüşmək imkanımız olacaq. Türkiyə-Amerika münasibətləri bəzilərinin düşündüyü kimi əhəmiyyətsiz deyil. Cənab Trampın Türkiyə ilə bağlı fikirləri çox müsbətdir. Bizim ABŞ-la bağlı fikirlərimiz üst-üstə düşür. O vaxtdan bəri qarşılıqlı hörmət və güclü münasibətlərimiz var.

Türkiyə getdikcə güclənir, səmərəliliyi artır. Türkiyənin beynəlxalq aləmdə strateji əhəmiyyəti var. Gəldiyimiz məqam, şübhəsiz ki, siyasətdəki sabitliyin nəticəsidir. Ölkəmizin 23 ildə iqtisadiyyat, siyasət, xarici siyasət, nəqliyyat, səhiyyə kimi sahələrdə nə qədər irəlilədiyini hamımız görürük" .

 

Gözəl Azadəliyeva