Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin regional təhsil idarələrində kadr dəyişiklikləri olub.

Bu barədə İqtisadiyyat.az-a Nazirlikdən məlumat verilib.

Bildirilib ki, Abşeron - Xızı Regional Təhsil İdarəsinin müdir müavini Əliyev Coşqun Vidadi oğlu Quba - Xaçmaz Regional Təhsil İdarəsinin müdiri vəzifəsinə təyin edilib.

Şəki - Zaqatala Regional Təhsil İdarəsinin müdiri Mehdiyev Bəhruz Yusif oğlu Lənkəran - Astara Regional Təhsil İdarəsinin müdiri vəzifəsinə təyin edilib.

Şəki - Zaqatala Regional Təhsil İdarəsinin müdiri vəzifəsinin icrası regional idarənin müdir müavini Mahmudova Günay Rasim qızına həvalə edilib.