“Məhkəmələr tərəfindən işəgötürən-işçi mübahisələri ciddi araşdırılır və adekvat qərar verilir”.

İqtisadiyyat.az xəbər verir ki, bu barədə Bakı Apellyasiya Məhkəməsinin Mülki kollegiyasının sədri Rəfael Eyvazov bildirib. 

O qeyd edib ki, işçilər pozulmuş hüquqları ilə bağlı məhkəməyə müraciət edə bilərlər: “Bu kimi hallarda sübutetmə yükü təbii ki, işəgötürənin üzərinə düşür. İşəgötürən əmrin verilməsinə əsas olan sənədləri təqdim etməlidir, əsaslandırmalıdır. Bu hallar ciddi yoxlanılır”. 

Hakim bildirib ki, əksər hallarda işəgötürən işçi barəsində inzibati tənbeh verərkən, izahat almır: “İntizam tənbeh verilərkən işçinin izahatı alınmalıdır. Lakin bəzən yalnız intizam tənbehi tətbiq edilir,  bu da məhkəmədə ortaya çıxır. Məhkəmədə digər yoxlanılan məsələlər intizam tənbehinin verilmə müddətləri ilə bağlıdır. Məhkəmə təcrübəsində bu müddətlərin ötürülməsinə də rast gəlinir. Qanunvericilikdə göstərilir ki, intizam xətasının aşkar olunduğu vaxtdan bir ay ərzində intizam tənbehi verilə bilər. Əgər işəgötürən bu müddətləri aşırsa, onun əmrləri qanuni sayılmır”.