"Qızılca xəstəliyi bəzi uşaqlarda sətəlcəmə səbəb ola bilər".
İqtisadiyyat.az xəbər verir ki, bunu tanınmış həkim-pediatr Əli Quliyev deyib.
Onun sözlərinə görə, bu gün qızılcaya yoluxanlar peyvənd vurdurmayan uşaqlardırlar: "Bəzi hallarda qızılca xəstəliyi daha ağır xəstəliklərə səbəb olur. Ona görə də valideynlər peyvənd məsələsində diqqətli olmalıdırlar"
Həkim bildirib ki, qızılca xəstəliyinin spesifik müalicə metodu yoxdur: "Bu xəstəliyin şəxsə necə təsir edəcəyini və hansı ağırlaşmalar verəcəyini öncədən müəyyən etmək olmur. Əgər qızılcalı uşaq yaxşı qidalanmırsa və lazımi qədər maye qəbul etmirsə, bu halda damar vasitəsilə qidalanmasına dəstək verilməlidir. Qızılcalı uşaq sətəlcəm olarsa, mütləq şəkildə xəstəxanada həkim nəzarəti altında müalicə almalıdır. Çox ağırlaşma olarsa, süni nəfəs aparatına qoşula bilər. İndiki halda uşaqlara peyvənd vurulması çox vacibdir".
Gülşən Şərif
