Ekologiya və Təbii Sərvətlər Nazirliyinin Geoloji Kəşfiyyat Agentliyinin keçmiş işçisi qurumu məhkəməyə verib.

İqtisadiyyat.az xəbər verir ki, qurumun keçmiş işçisi Cəfərov Səfər Məmməd oğlu Yasamal Rayon Məhkəməsinə ərizə ilə müraciət edib.

O, müraciətində haqsız yerə işdən çıxarıldığını bildirib.

S.Cəfərov Agentlik tərəfindən işə bərpa edilməsini və əmək haqqının da ödənilməsini tələb edir.

İddia hakim Fariz Əlizadənin sədrliyi ilə araşdırılacaq. Məhkəmə iddianı təmin edərsə, Agentlik keçmiş əməkdaşını işə bərpa etməyə və onun işdən ayrıldığı müddət üçün əməkhaqqısını ödəməyə məcbur olacaq.

Qeyd edək ki, Geoloji Kəşfiyyat Agentliyinin İdarə Heyətinin sədri Əli Əliyevdir. O, 4 ildir bu vəzifədə çalışır.