Səudiyyə Ərəbistanının “Əl Nəsr” komandası Asiya Çempionlar Liqasının yarımfinalına yüksələ bilməyib.

İqtisadiyyat.az xəbər verir ki, 1/4 final mərhələsinin Birləşmiş Ərəb Əmirliklərinin “Əl Ayn” komandası ilə cavab oyununda “Əl Nəsr” əlavə vaxtda 4:3 hesabı ilə qalib gəlib.

"Əl Nəsr"in qollarından birini portuqaliyalı hücumçu Kriştiano Ronaldo penaltidən vurub.

Komandaların ilk oyununda "Əl Ayn"  1:0 hesabı ilə qalib gəldiyindən oyunsonrası penaltilər təyin olunub. Burada qonaqlar daha uğurlu olub.

“Əl Ayn” 3:1 hesabı ilə qalib gəlib. Penaltini yalnız “Əl Nəsr”dən Ronaldo uğurla yerinə yetirib. Marselo Brozoviç, Aleks Teles və Otavio isə penaltini qaçırıb.