"Eco Terra" şirkətini 12,5 min manat cərimə gözləyir.

İqtisadiyyat.az xəbər verir ki, buna səbəb şirkətin ətraf mühitə atdığı, axıtdığı və ya basdırdığı zərərli maddələrin miqdarının normativlərdən artıq olmasıdır.

Belə ki, Ekologiya və Təbii Sərvətlər Nazirliyi şirkət barəsində İnzibati Xətalar Məcəlləsinin 233.1-ci maddəsinə əsasən cərimə protokolu tərtib edib.

Daha sonra protokol baxılması üçün Sabunçu Rayon Məhkəməsinə göndərilib və iş hakim Elnurə Rəcəbovanın icraatına verilib.

Şirkətin barəsində protokol tərtib olunan maddədə deyilir ki, ətraf mühitə atılan, axıdılan və ya basdırılan zərərli maddələrin miqdarının yol verilə bilən normativlərdən artıq olmasına görə hüquqi şəxslər on min beş yüz manatdan on iki min beş yüz manatadək məbləğdə cərimə edilir.