Rusiya Federasiyası Hökumətinin qəbul etdiyi qərara əsasən, xarici vətəndaşların viza verilməsi məsələsinə baxılarkən onlar müsahibədən keçəcəklər.

İqtisadiyyat.az yerli mediaya istinadən xəbər verir ki, Rusiya vizasının alınması və verilməsi qaydası və şərtlərini tənzimləyən qaydalara dəyişikliklər Rusiya Federasiyası Nazirlər Kabinetinin bu gün hüquqi informasiyanın rəsmi portalında dərc olunan 1087 saylı qərarı ilə təsdiq edilib.

“Xarici vətəndaşa viza verilməsi məsələsinə baxılarkən Rusiya Federasiyasına səfərin məqsədini və Rusiya Federasiyasının ərazisində qalma şərtlərini təsdiq edən məlumatların düzgünlüyünü əlavə olaraq yoxlamaq üçün işçi səlahiyyətli dövlət orqanı tərəfindən əcnəbi vətəndaşla fərdi müsahibə aparılır”, - sənəddə qeyd olunur.

Bundan başqa, yeni qaydalara əsasən, əcnəbinin yalnız Rusiyada 180 gündən artıq yaşamaq icazəsi olduğunu təsdiq edən sənədi olduqda viza ala bilər. Əvvəl isə bu müddət 90 gün idi.

 

Sadiq Cavadov