Dünyanın yaşamaq üçün ən yaxşı şəhərlərinin siyahısı açıqlanıb.

İqtisadiyyat.az bu barədə "Economist Intelligence Unit"ə istinadən xəbər verir.

Hesabatda sabitlik, səhiyyə, mədəniyyət, ətraf mühit, təhsil və infrastruktur kimi beş kateqoriya üzrə qlobal miqyasda 173 şəhər araşdırılıb.

Araşdırmalara görə, Avstriyanın paytaxtı Vyana artıq üçüncü ildir ki, dünyada yaşamaq üçün ən yaxşı şəhər hesab olunur.

Səhiyyə, təhsil və infrastruktur üzrə sahələrdə mükəmməl göstəriciləri ilə Vyana builki siyahıya da başçılıq edir. Siyahıda Kopenhagen (Danimarka) ikinci, Sürix (İsveçrə) üçüncü yerdə qərarlaşıb.

Dünyanın yaşamaq üçün ən yaxşı 10 şəhəri bunlardır:

  • Vyana - Avstriya
  • Kopenhagen - Danimarka
  • Sürix - İsveçrə
  • Melburn - Avstraliya
  • Kalqari - Kanada
  • Cenevrə - İsveçrə
  • Sidney - Avstraliya
  • Vankuver - Kanada
  • Osaka - Yaponiya
  • Oklend - Yeni Zelandiya

Qeyd edək ki, Qərbi Avropa 100 baldan 92 bal toplayaraq qlobal miqyasda yaşamaq qabiliyyəti baxımından ən yaxşı nəticə göstərən region olub.

 

Gözəl Həşimova