Çip istehsalçısı "Nvidia" 2,056 trilyon dollarlıq bazar dəyəri ilə Səudiyyə Ərəbistanının neft şirkəti "Saudi Aramco"nu geridə qoyub.

Bu barədə İqtisadiyyat.az dünya mediasına istinadən xəbər verir.

"Nvidia"nın səhmləri bu gün 4% artaraq 822,79 dollara çatdığı halda, ilin əvvəlindən bəri şirkətin səhmlərinin dəyəri 66% artıb. Buna səbəb isə süni intellekt çiplərinə tələbin artmasıdır.

Beləliklə, şirkət "Saudi Aramco"nu geridə qoyaraq dünyanın üçüncü ən dəyərli şirkəti olub. Hazırda "Saudi Aramco"nun bazar dəyəri 2,046 trilyon dollar təşkil edib.

 

Gözəl Həşimova