Bu il texnologiya şirkətlərinin sahibləri "Forbes" jurnalının dərc etdiyi "Dünya Milyarderləri Siyahısı"na öz damğasını vurublar.
İqtisadiyyat.az xəbər verir ki, əvvəlki illərdə olduğu kimi texnologiya sektorunda fəaliyyət göstərən iş adamları siyahıda adından söz etdirməyi bacarıblar.
İlon Mask
"Tesla", "SpaceX" və "X" kimi dünyaca məşhur texnologiya şirkətlərinin sahibi İlon Mask 195 milyard dollarlıq sərvəti ilə dünyanın ən zəngin ikinci adamı olub. Keçən il də Mask 180 milyard dollarlıq sərvəti ilə siyahıda ikinci yeri tutub.
Ceff Bezos
Üçüncü yerdə "Amazon" e-ticarət platformasının yaradıcısı Ceff Bezos qərarlaşıb. Onun sərvəti 2020-ci ildə 113 milyard dollar, 2021-ci ildə 177 milyard dollar, 2022-ci ildə 171 milyard dollar, 2023-cü ildə 114 milyard dollar, 2024-cü ildə isə 194 milyard dollar təşkil edib.
Mark Zukerberq
"WhatsApp", "Instagram" və "Facebook" kimi dünyanın ən məşhur sosial media proqramlarının sahibi "Meta" şirkətinin baş direktoru Mark Zukerberq sərvətini ən çox artıran iş adamlarından biri kimi diqqət çəkib. Bu il Zukerberqin sərvəti 3 dəfə artaraq 177 milyard dollara çatıb və siyahıda 4-cü yerdə qərarlaşıb. Ötən il Zukerberq 64,4 milyard dollarlıq sərvəti ilə 16-cı yeri tutub.
Zhang Yiming
Çinin texnologiya şirkətlərinin rəhbərləri siyahıda ilk 10-luqda yer tuta bilməsələr də, "TikTok" tətbiqinin sahibi "ByteDance" şirkətinin qurucusu Zhang Yiming siyahıda 27-ci yerdə qərarlaşıb.
Gözəl Həşimova
