İqtisadiyyat.az xəbər verir ki, "Opta Sports" dünyanın ən güclü futbol liqalarının klub gücü indeksinə əsaslanan reytinqini tərtib edib.

Siyahıya İngiltərə Premyer Liqası liderlik edir. Bu liqanın klub gücü indeksi mümkün 100 baldan 92,6 bal təşkil edir.

İkinci və üçüncü yerləri bərabər nəticə ilə İtaliya A Seriyası və İspaniya La Liqası bölüşür – hər iki liqanın indeksi 87 baldır.

Dördüncü pillədə 86,3 balla Almaniya Bundesliqası, beşinci yerdə isə 85,5 balla Fransa Liqa 1 qərarlaşıb.

Reytinqin davamında aşağıdakı liqalar yer alıb.

6. İngiltərə Çempionşipi (İkinci Divizion) – 80,9 bal

7. Belçika Liqası – 80,5 bal

8. Portuqaliya Liqası – 79,8 bal

9. Braziliya Liqası – 79,4 bal

10. Hollandiya Liqası – 78,8 bal

Reytinqdə liqaların komandalarının ümumi səviyyəsi, oyun keyfiyyəti və statistik göstəricilər nəzərə alınıb.