Bu prosesə ən böyük töhfəni verənlər yanacaqla işləyən avtomobillər, kömür və ya neftlə işləyən elektrik stansiyaları və fabriklərdir.
İqtisadiyyat.az-ın araşdırmasına görə, vulkanlar və meşə yanğınları da havanın çirklənməsinin diqqətəlayiq mənbələri ola bilər.
Havanın çirklənməsi qlobal miqyasda ən əhəmiyyətli ekoloji sağlamlıq risklərindən biri olaraq qalır. Ümumdünya Səhiyyə Təşkilatının (ÜST) məlumatına görə, bu, hər il doqquz ölümdən birinə səbəb olur.
Havanın çirklənməsinin tənəffüs problemləri, astma və hətta anadangəlmə əlilliklər də daxil olmaqla sağlamlıq problemlərinə səbəb olduğu sübut edilib.
Qeyd edək ki, bütün ölüm hallarının 72%-ni qeyri-infeksion xəstəliklər təşkil edir ki, onların da 16%-i zəhərli çirklənmə nəticəsində baş verir.
Eyni zamanda, bəzi ölkələr öz havalarını olduqca təmiz saxlaya biliblər. İslandiya, Yeni Zelandiya və Finlandiya kimi ölkələr güclü ekoloji siyasətlər, davamlı təcrübələr və təmiz enerji investisiyaları sayəsində qlobal miqyasda ən az çirklənmiş ölkələr hesab olunurlar.
Ümumillikdə ən çox çirklənmiş ölkələr isə bunlardır
- Banqladeş
- Pakistan
- Hindistan
- Tacikistan
- Burkina Faso
- İraq
- Birləşmiş Ərəb Əmirlikləri
- Misir
- Nepal
- Konqo respublikası
Gözəl Azadəliyeva
