ABŞ Energetika Departamentinin “SLAC” Milli Sürətləndirici Laboratoriyasının alim və mühəndisləri dünyanın ən böyük rəqəmsal kamerasını – “Legacy Survey of Space and Time” (LSST) yaradıblar.

İqtisadiyyat.az bu barədə “Phys.org”yə istinadən xəbər verir.

Məlumata görə, 3200 meqapiksellik bu cihaz Vera K. Rubin Rəsədxanasında quraşdırılacaq.  Kameranın çəkisi təxminən üç ton, obyektivinin diametri isə 1,5 metrdir. Vakuum kamerasının içərisində diametri təxminən bir metr olan əlavə bir lens yerləşdirilib. Piksellərin eni cəmi 10 mikrondur.

“LSST” adlı bu cihaz qalaktikaların paylanması və Kainatın zamanla necə dəyişdiyini öyrənmək üçün nəzərdə tutulub.

 

Sadiq Cavadov