İdxal və ixrac ölkə iqtisadiyyatının mühüm sütunları hesab olunur. Bir ölkənin ticarət balansı idxal və ixracın dəyərləri arasındakı əlaqəni göstərir.
İqtisadiyyat.az-ın araşdırmasına görə, qlobal ticarət Ümumdünya Ticarət Təşkilatı (ÜTT) tərəfindən tənzimlənir. 1995-ci ildə təsis edildiyi gündən bəri 150-dən çox ölkə ÜTT-yə üzv olub və onun qaydalarına əməl etməyə borcludur. 1950-ci ildən bəri ticarətdə ixrac və idxalın həcmi üç dəfə artıb.
Dünyada ən çox satılan mallar neft və yanacaq, elektron avadanlıq və maşınlardır. Araşdırmalara görə, 2023-cü ildə ABŞ 3,17 trilyon dollarlıq idxal ilə dünyanın aparıcı idxalçı ölkəsi olub.
Bəs dünyanın ən böyük idxalçı ölkələri hansılardır?
|
Ölkə |
İdxal dəyəri |
|
ABŞ |
3,1 trilyon dollar |
|
Çin |
2,5 trilyon dollar |
|
Almaniya |
1,4 trilyon dollar |
|
Niderland |
842 milyard dollar |
|
Böyük Britaniya |
791,3 milyard dollar |
|
Fransa |
785,8 milyard dollar |
|
Yaponiya |
785,6 milyard dollar |
|
Hindistan |
672,6 milyard dollar |
|
Honq-Konq |
653,7 milyard dollar |
|
Cənubi Koreya |
642,5 milyard dollar |
|
İtaliya |
639,6 milyard dollar |
Qeyd edək ki, ötən il dünyada ən yüksək ixraca malik ölkə 3,3 trilyon dollarla Çin olub. 2021-ci ilə qədər Çin qlobal mal ixracının təxminən 15 faizini və qlobal xidmət ixracının təxminən 6 faizini təşkil edib. İkinci ən böyük ixracatçı ölkə isə ABŞ olub. Ölkənin bu dövrdə ixracı 2 trilyon dollar təşkil edib.
Gözəl Həşimova
