Ötən il Honq-Konq, Tayvan, Sinqapur, Çin və Cənubi Koreya dünyanın aparıcı mikroçip ixracatçıları kimi tanınıb.

İqtisadiyyat.az xəbər verir ki, bu barədə BMT-nin "Comtrade" platformasının dərc etdiyi məlumatda deyilir.

Məlumata görə, Honq-Konq ildə 193,5 milyard dollar dəyərində çip tədarük etməklə əsas ixracatçıya çevrilib. Honq Konq on ildir ki, çip ixracatında dünya lideridir.

İlk beşlikdə ikinci yerdə 166,6 milyard dollarlıq mal ixrac edən Tayvan, üçüncü yerdə Sinqapur (137,9 milyard dollar), dördüncü yerdə Çin (136,3 milyard dollar) və beşinci yerdə Cənubi Koreya (86,1 milyard dollar) qərarlaşıb.

Çin bir il ərzində 350,1 milyard dollar dəyərində mikroçip satın alaraq aparıcı idxalçı olub. Çin 22 ildir ki, bu siyahıda birinci yerdədir. Bundan əlavə, ilk beş idxalçıya 202,6 milyard dollarlıq alışla Honq-Konq, 113,4 milyard dollarla Sinqapur, 73,2 milyard dollarla Tayvan və 51,7 milyard dollarla Cənubi Koreya daxildir.

 

Gözəl Həşimova