Dünya üzrə tütün istehlakı azalıb.
İqtisadiyyat.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
"Tütün sənayesi saysız-hesabsız həyatlar bahasına qazanc əldə etməyə çalışır və sağlamlıq siyasətini manipulyasiya etmək üçün ölümcül məhsullarını satmaq fürsətindən istifadə edir. Lakin son illərdə tütünə qarşı mübarizədə yaxşı irəliləyiş əldə olunub", - ÜST-ün sağlamlığın təşviqi üzrə direktoru Rüdiger Kreç bildirib.
ÜST-ün son hesablamalarına görə, dünyada 1,25 milyard tütün istifadəçisi var.
Qeyd edək ki, Azərbaycan bu ilin yanvar-noyabr ayları ərzində 14,2 milyon dollar dəyərində tütün və tütün məmulatları ixrac edib. Hesabat dövründə ölkəyə 105,7 milyon dollar dəyərində tütün və tütün məmulatları idxal edib.
Əli Ağayev