Dünyada şəkərin qiyməti ötən ay ərzində 9,8% artıb.

İqtisadiyyat.az xəbər verir ki, bu barədə BMT-nin Ərzaq və Kənd Təsərrüfatı Təşkilatının (FAO) məlumatında deyilir.

Məlumata görə, sentyabrda qlobal şəkər indeksi 2010-cu ilin noyabrından bəri ən yüksək səviyyəyə çatıb. Bu dinamika qarşıdan gələn mövsümdə dünya bazarlarında təklifin azalması fonunda artan narahatlıqlar ilə bağlıdır. Xüsusilə, aparıcı şəkər istehsalçıları olan Tayland və Hindistanda istehsalın azalacağı proqnozlaşdırılır.

Qeyd edək ki, Azərbaycanın bu ilin yanvar-avqust aylarında şəkər və şəkərdən hazırlanan qənnadı məmulatları idxalı 174,5 milyon dollar dəyərində olub. Bu da ötən ilin müvafiq dövrü ilə müqayisədə 34,8 milyon dollar və ya 25% çoxdur.

Hesabat dövründə ölkə 16,6 milyon dollar dəyərində 22,3 min ton şəkər ixrac edib ki, bu da ötən ilin eyni dövrü ilə müqayisədə dəyər baxımından 2,5 milyon dollar çoxdur.

 

Gözəl Həşimova