Beynəlxalq Enerji Agentliyi (IEA) bu ilin əvvəlindən bəri ilk dəfə olaraq 2023-cü il üçün qlobal neft tələbi artımı ilə bağlı proqnozunu azaldıb.

İqtisadiyyat.az qurumun hesabatına istinadən xəbər verir ki, IEA bu il qlobal neft artımı ilə bağlı proqnozunu gündəlik 220 min barel azaldaraq 2,2 milyon barelə endirib.

Buna baxmayaraq, bu il neft tələbi əvvəlki proqnozda gözlənildiyi kimi rekord həddə çatacaq. Belə ki, 2023-cü ildə qlobal neft tələbi gündəlik 102,1 milyon barelə çata bilər. Tələb artımı ilə bağlı proqnozun azalması dünyada baş verən makroiqtisadi çətinliklər və istehsalın zəifləməsi ilə bağlıdır. Proqnozlara görə, gələn il qlobal neft tələbinin artım tempi gündəlik 1,1 milyon barelə qədər azalacaq.

Agentliyin məlumatına görə, neftə tələb artımının 70%-i Çinin payına düşəcək.