İqtisadiyyat.az xəbər verir ki, bu barədə Beynəlxalq Enerji Agentliyinin (IEA) aprel hesabatında deyilir.
Dünyada ticarət əlaqələrinin kəskinləşməsi fonunda təxmin əvvəlki proqnozla müqayisədə sutkada 300 min barel azalıb.
IEA 2026-cı ildə neftə tələbat artımı proqnozunu da təqdim edib. Agentliyin hesablamalarına görə, bu rəqəm sutkada 690 min barel təşkil edəcək. Eyni zamanda, IEA sürətlə dəyişən qlobal makroiqtisadi mühitə görə tələb proqnozları üzrə risklərin qaldığını vurğulayıb.
IEA-nın məlumatına görə, 2025-ci ildə neft tələbi 103,54 milyon barel, 2026-cı ildə isə 104,232 milyon barel olacaq. Bununla yanaşı, 2025-ci ildə dünya neft təklifi sutkada 104,2 milyon barel, 2026-cı ildə isə 105,2 milyon barel təşkil edəcək. Beləliklə, IEA 2025 və 2026-cı illərdə neft bazarında əhəmiyyətli profisit gözləyir.
Qeyd edilib ki, dünyada neft ehtiyatları fevral ayında 21,9 milyon barel artaraq 7,647 milyard barelə çatıb.
Gözəl Azadəliyeva
