Dünyada əhali artdıqca və aşağı gəlirli ölkələr urbanizasiyaya doğru irəlilədikcə, enerjiyə qlobal tələbat durmadan artır. Koronavirus pandemiyası zamanı iqtisadi fəaliyyətlərin azalması səbəbindən 2020-ci ildə enerji tələbinin azalmasına baxmayaraq, əsrin əvvəlindən bəri qlobal enerji istehsalı 60% artıb.

Araşdırmalara görə, ötən il qlobal xam neft hasilatı təxminən 4,5 milyard ton təşkil edib. Bu, indiyə qədər hasil edilmiş ən yüksək miqdar hesab olunur. Bu göstərici 1998-ci illə müqayisədə 1 milyard ton çoxdur.

İqtisadiyyat.az dünya üzrə neft hasilatı ilə bağlı araşdırma aparıb.

Məlumata görə, dünyada ən böyük enerji istehsalı və istehlakı Çinin payına düşür.

ABŞ isə dünyanın ən böyük neft hasilatçısı hesab edilir. Qazma və şist hasilatı sahəsində əldə etdiyi irəliləyişlərdən faydalanan ABŞ bir çox istehsalçı ölkələri üstələyib və dünyanın ən böyük xam neft tədarükçüsü olub. ABŞ 1850-ci ildən bəri neft hasil edir. Texas isə indiyə qədər ən çox xam neft istehsal edən ABŞ ştatıdır.

Bəs 1998-ci ildən 2023-cü ilə qədər dünyada nə qədər neft hasil edilib?

İllər

Neft hasilatının həcmi

1998

3,528 milyard ton

1999

3,448 milyard ton

2000

3,599 milyard ton

2001

3,598 milyard ton

2002

3,555 milyard ton

2003

3,713 milyard ton

2004

3,899 milyard ton

2005

3,932 milyard ton

2006

3,967 milyard ton

2007

3,958 milyard ton

2008

4 milyard ton

2009

3,901 milyard ton

2010

3,978 milyard ton

2011

4 milyard ton

2012

4,120 milyard ton

2013

4,126 milyard ton

2014

4,222 milyard ton

2015

4,363 milyard ton

2016

4,380 milyard ton

2017

4,387 milyard ton

2018

4,490 milyard ton

2019

4,487 milyard ton

2020

4,188 milyard ton

2021

4,237 milyard ton

2022

4,429 milyard ton

2023

4,508 milyard ton

 

Qeyd edək ki, dünyada ən çox neft hasil edən 3 ölkə ABŞ, Səudiyyə Ərəbistanı və Rusiyadır.

 

Gözəl Həşimova